Сошиалд хуваалцах уу?

Зуны улиралд наршилтаас хэрхэн сэргийлэх вэ?

Зуны улиралд нарны хэт ягаан туяа (UV) арьсанд сөргөөр нөлөөлж, нарших, түлэгдэх, хөгшрөлт түргэсэх, арьсны хавдар үүсэх эрсдэлтэй байдаг.

🌞 Наршилтаас сэргийлэх Үндсэн аргууд:

1. Нарнаас хамгаалах тос (SPF) хэрэглэх

  • SPF 30+ буюу түүнээс дээш хамгаалалттай тос сонгоорой.
  • Нарны тосыг гадуур гарахаас 20-30 минутын өмнө түрхэнэ.
  • Хөлс, усанд орсны дараа дахин түрхэх шаардлагатай.

2. Сүүдэр бараадах

  • Нар хамгийн хурц байдаг 11:00–16:00 цагийн хооронд шууд нарны тусгалд аль болох бүү бай.

3. Хувцаслалт

  • Гэрэл ойдог, цайвар өнгийн, нимгэн боловч нягт нэхээстэй хувцас өмсөөрэй.
  • Сүүдэртэй малгай, өргөн хүрээтэй саравчтай малгай зүүвэл нүүр болон хүзүүг хамгаална.
  • Нарнаас хамгаалсан нарны шил хэрэглэх нь нүдийг хамгаалдаг.

4. Шингэн зүйл сайн уух

  • Нарны халуунаас болж шингэн алдагддаг тул өдөрт 2-3 литр ус ууж, биед шингэнийг тэнцвэржүүлээрэй.

5. Нарны хамгаалалттай бүтээгдэхүүнүүд хэрэглэх

  • SPF агуулсан суурь крем, уруулын бальзам, гарын тос зэрэг нэмэлт хамгаалалттай гоо сайхны бүтээгдэхүүн хэрэглээрэй.

🌡️ Наршилтын шинж тэмдгүүд:

🔴 Эхний шинжүүд (хөнгөн наршил):

  • Толгой өвдөх, манарах
  • Нүүр улайх, арьс халуу оргих
  • Маш их хөлс ялгарах
  • Ам хатах, сульдах
  • Зүрхний цохилт түргэсэх
  • Халуурах (38–39°C)
  • Нүд эрээлжлэх, чих шуугих

⚠️ Хүндэрсэн тохиолдол (хүнд наршил):

  • Хөлс ялгарах нь зогсох (арьс хуурай болж халуу оргих)
  • Дотор муухайрах, бөөлжих
  • Ухаан балартах, ухаан алдах
  • Таталт өгөх
  • Биеийн хэм 40°C-аас дээш болох

‼️ Ийм шинж илэрвэл яаралтай сэрүүн газар оруулж, хүйтэн жин тавьж, ус уулгаж, шаардлагатай бол эмнэлгийн тусламж дуудах хэрэгтэй.

👶🧓 Хэн наршихад хамгийн эмзэг вэ?

➤ Хүүхдүүд (0–5 нас)

  • Дулаан зохицуулах тогтолцоо бүрэн хөгжөөгүй
  • Арьс нимгэн тул хурдан нарших магадлалтай

➤ Ахмад настан (60+ нас)

  • Биеийн температур зохицуулах чадвар суларсан
  • Зарим нь ус уух мэдрэмж муутай байдаг

➤ Жирэмсэн эмэгтэйчүүд

  • Биеийн ачаалал ихэссэн, илүү амархан ядрах хандлагатай

➤ Биеийн хүчний ажил хийдэг хүмүүс (түгээмэл гадаа ажилладаг хүмүүс)

  • Нарны доор удаан байж, их хэмжээгээр шингэн алддаг

➤ Архи хэтрүүлэн хэрэглэсэн, өвдсөн, шингэн бага уудаг хүмүүс

🆘 Наршилтын үед авах анхны тусламжийн алхмууд:

✅ 1. Хүнийг нарнаас гаргах

  • Шууд сүүдэртэй, салхилдаг, сэрүүн газар оруулна.
  • Хүүхэд бол тайван байлгаж, уйлуулахгүй байх.

✅ 2. Дулааныг бууруулах

  • Хувцсыг нь тайлж, сул тавих
  • Хүйтэн нойтон жин дух, хүзүү, суга, цавинд тавих
  • Биеийг нь сэрүүн усаар арчих эсвэл сэвүүр, сэнс ашиглан сэрүүцүүлэх

✅ 3. Ус уулгах

  • Хэрвээ ухаан орон, бөөлжөөгүй бол амны хөндийг бага багаар чийглэж, ус, электролит уух уусмалуулгах
  • Хүйтэн биш, бүлээн шингэн илүү тохиромжтой

✅ 4. Ухаан алдсан бол

  • Толгойг нэг тийш нь хазайлгаж, бөөлжихөөс сэргийлэх
  • Биеийг дээш бага зэрэг хазайлгаж хэвтүүлэх
  • Хэрвээ амьсгалахгүй байвал — хиймэл амьсгал, зүрхний шахалт эхлэх (эмчид хандах хүртэл)

❗️Нэн даруй эмнэлэгт хандах 

Дараах шинжүүд илэрвэл яаралтай түргэн дуудах шаардлагатай:

  • Биеийн хэм 39.5°C–аас дээш
  • Ухаан самуурах, тэнцвэр алдагдах, таталт өгөх
  • Бөөлжих, ус уух боломжгүй байх
  • Арьс халуун, хуурай болсон бол (хөлс ялгарахгүй болсон)

🩺 Эмнэлэгт наршсан хүнд хийх эмчилгээ:

  • Судсаар шингэн сэлбэх (давсны уусмал, глюкоз)
  • Хэм бууруулах тариа, дусал
  • Таталтын эсрэг болон халуун бууруулах эмчилгээ
  • Хяналт, амьсгалын дэмжлэг

🟡 Санамж: